RAUÐU LJÓSIN – MYNDBÖND

Herferðin Þekktu rauðu ljósin er svar Kvennaathvarfsins og Bjarkarhlíðar við síaukinni eftirspurn ungs fólk eftir aðstoð vegna ofbeldis í nánum samböndum. Verkefnið var styrkt af Jafnréttissjóði Íslands.

PLAKAT OG LÍMMIÐAR

Gefnir voru út límmiðar og plaköt með styrk frá Félags-og barnamálaráðherra. Efnið má nálgast hér fyrir neðan en einnig má hafa samband við Kvennaathvarfið og óska eftir að fá send eintök af plakati og límmiðum.

Plakat (A4)

Límmiðar (7×13 cm)

FYRIR HVERJA ER KVENNAATHVARFIÐ

Bæklingar og fræðsla sem er til á nokkrum tungumálum:

SKIPTU ÞÉR AF

Bæklingur sem aðstoðar fólk við að gera sér grein fyrir alvarleika heimilisofbeldis og vonandi stuðlar að því að fólk taki ábyrgð með því að skipta sér af þegar einhver er beittur ofbeldi.

Hér er hlekkur á fræðsluefnið: Skiptu þér af

OFBELDI Í SAMBÖNDUM EÐA Á STEFNUMÓTUM
Þessi bæklingur er sérstaklega ætlaður fólki á framhaldsskólaaldri og lýst er einkennum þess að um ofbeldissamband sé að ræða ásamt almennum skilgreiningum á ofbeldi. Auk þess er þar að finna mannréttindayfirlýsingu stefnumóta, um réttindi og skyldur fólks í samböndum. Bæklingurinn er í hefðbundnu bæklingabroti.
→ Sækja PDF skjal

BÖRN SEM BÚA VIÐ OFBELDI Á HEIMILI
Hér er greint frá áhrifum heimilisofbeldis á börn á mismunandi aldri og hvað vert er að hafa í huga við slíkar aðstæður. Bæklingurinn er í A5 stærð og er einnig til á ensku.
→ Sækja PDF skjal

VIÐ HJÁLPUM

Félagsmálaráðuneytið hefur gefið út lítið kort með símanúmerum Neyðarlínunnar, Kvennaathvarfsins, Stígamóta, Neyðarmóttöku vegna nauðgunar og Hjálparsíma Rauða krossins. Ritað er á íslensku öðrum megin og ensku hinum megin. Hægt er að panta kortin hjá Kvennaathvarfinu líkt og bæklinga.
→ Sækja PDF skjal

Hafið samband við Sigþrúði Guðmundsdóttur framkvæmdastýru athvarfsins í síma 561 3740 eða gegnum tölvupóst sigthrudur@kvennaathvarf.is til að fá nánari upplýsingar.

 

LÖGREGLAN

Lögreglan hér á Íslandi leggur sérstaka áherslu á að hafa gott verklag og nálgun í aðkomu að heimilisofbeldismálum. Á tímum Covid faraldursins má því miður gera ráð fyrir því að heimilisofbeldi aukist og því er mikilvægt að allt samfélagið hafi augu og eyru opin og hafi samband við lögregluna ef grunur vaknar um heimilisofbeldi.

KVERKATAK – ÚTVARPSÞÆTTIR 

Í útvarpsþáttunum Kverkatak er rýnt í heimilisofbeldi, eðli þess, áhrif og afleiðingar. Hlusta má á þættina hér. Umsjónarmenn eru Viktoría Hermannsdóttir og Þórhildur Ólafsdóttir en þættirnir voru framleiddir af RÚV haustið 2018 í samstarfi við Jafnréttisstofu.

STÍGAMÓT 

Stígamót standa fyrir átakinu Sjúk ást sem hófst í aðdraganda Valentínusardagsins, 14. febrúar 2018. Átakinu er ætlað að vekja athygli á einkennum heilbrigðra, óheilbrigðra og ofbeldisfullra sambanda meðal ungmenna. „Markmið átaksins er að koma í veg fyrir ofbeldi með fræðslu um heilbrigð samskipti og áherslu á virðingu í samböndum. Markhópurinn eru ungmenni í grunn- og framhaldsskólum.“ – af vef Stígamóta

JAFNRÉTTISSTOFA

Stóð fyrir því að taka saman fræðsluefni um heimilisofbeldi frá fagaðilum sem starfa innan málaflokksins og útbúa þannig aðgengileg netnámskeið.

„Markmiðið með námskeiðinu er að auka þekkingu fagfólks um land allt á heimilisofbeldi og auðvelda svör við spurningum, til að mynda: Hvernig berum við kennsl á þolendur og gerendur? Hvernig skal bregðast við? Hvaða úrræði eru fyrir hendi á Íslandi? Hverju þarf að huga að við vinnslu á málum er varða fatlað fólk, barnshafandi einstaklinga, fólk af erlendum uppruna, hinsegin fólk og einstaklinga af öðrum minnihlutahópum?“ – Texti af heimasíðu Jafnréttisstofu.

Hér er slóð á netnámskeiðin.

Jafnréttisstofa stýrði einnig verkefninu Byggjum brýr Brjótum múra sem var 30 mánaða verkefni til að bæta samvinnu í heimilisofbeldismálum og auka vitund almennings um heimilisofbeldi. Hér er hlekkur á myndbönd sem eru ein af afurðum verkefnisins.