Samtök um kvennaathvarf

Sameiginleg forsjá barna er falleg hugmyndafræði þar sem reynt er að draga úr því áfalli sem skilnaður foreldra veldur börnum. Ætlunin er að sameiginleg forsjá verði til þess að knýja fram jafna ábyrgð foreldra og tryggja rétt barna til umgengi við báða foreldra sína. Samkvæmt því frumvarpi sem dómsmálaráðherra hefur lagt fram verður sameiginleg forsjá að meginreglu við skilnað foreldra. Í reynd hefur sameiginleg forsjá verið tíðkuð sem meginregla um langan tíma án þess að sérstök umræða hafi farið fram um málið og foreldrar yfirleitt hvattir til að fara þessa leið þegar til skilnaðar kemur. Því ber að fagna að loksins er hafin umræða um sameiginlega forsjá sem meginreglu; kosti hennar og galla. Lesa meira

Ingibjörg Þórðardóttir, starfskona Kvennaathvarfsins og nemi í félagsráðgjöf, rekur hér fyrirlestur sem Anne Mau frá LOKK, samtökum danskra kvennaathvarfa, hélt á ráðstefnunni Nordiske kvinner mot vold í Reykjavík 3. september 2005 Lesa meira

Nú stendur til að smíða nýtt frumvarp um kynferðisbrotakafla hegningarlaganna. Því ber að fagna, enda eru skýr lagaákvæði um kynferðisbrot forsenda þess að refsivörslukerfið geti tekið á kynferðisbrotum með tilhlýðilegum hætti. Lagalegar skilgreiningar á kynferðisbrotum eiga að endurspegla eðli og inntak brotanna. Á það vantar í núgildandi kynferðisbrotakafla. Lesa meira

Þeim mun fleiri af þessum spurningum sem þú svarar játandi þeim mun meiri hætta er á að þú beitir konu/kærustu þína ofbeldi. Ef þú kannast við sjálfan þig í mörgum atriðum verður þú að fá aðstoð fagaðila.

Þriðjudaginn 19. október 2004 féll dómur í Héraðsdómi Reykjaness sem hefur verið nokkuð til umfjöllunar í fjölmiðlum. Dómurinn hefur vakið athygli t.d. fjölmiðla fyrir að vera ómur úr fortíðinni og lýsa viðhorfum sem almennt var talið að kvennabaráttu síðustu áratuga hefði tekist að uppræta. Málavextir eru þannig að kona kærir Kjartan Ólafsson fyrir gróft ofbeldi gegn sér og telst það sannað. Hins vegar er Kjartan ekki dæmdur til neinnar refsingar ef hann heldur skilorð í þrjú ár og er ýmislegt talið honum til tekna. Í fyrsta lagi er greint frá því að sambúð kæranda og Kjartans hafi verið stormasöm án þess að komið hafi til kæru áður. Í öðru lagi er sagt að Kjartan hafi lagt hendur á konuna ?í mikilli bræði og hníga gögnin frekar að því að kærandi kunni að hafa valdið því?. Hennar sök er að Kjartan taldi hana hafa haldið fram hjá honum. Í þriðja lagi vill dómurinn meina að hann hafi ekki tekið mjög harkalega á henni og í fjórða lagi telst kæra seint fram komin og blandast kærumálið forræðisdeilu. Lesa meira

Í öllum umræðum um Kvennaathvarfið kemur alltaf upp spurningin: Hvað með karla sem eru beittir ofbeldi? Hvert fara þeir og hvaða úrræði eru í boði fyrir þá? Yfirleitt er því svarað á þann veg að Kvennaathvarfið er sprottið upp úr kvennahreyfingunni og hugsað sem athvarf fyrir konur og börn en ekki karla. Ef þörf er á karlaathvarfi þurfa karlar einfaldlega að taka sig til og stofna slíkt en það getur varla verið á ábyrgð kvenna. Það er einfaldlega ekki samræmanlegt að reka athvarf fyrir bæði kynin undir sama húsþaki. Í svarinu felst að auðvitað eru til karlar sem verða fyrir ofbeldi og það skal taka það fram að ofbeldi er aldrei réttlætanlegt sama hver verður fyrir því. Það er hins vegar ekki að ástæðulausu sem talað er um kynbundið ofbeldi og úrræði við því en samfélagsmeinið sem kvennaathvarfskonur takast á við hvern dag er einmitt ofbeldi karla gegn konum og það má ekki missa sjónar af því vandamáli. Lesa meira

?Geta ofbeldisfullir eiginmenn verið góðir feður?? spyr Maria Eriksson í ritgerð sinni Í skugga pabba sem hún varði í kynjafræði við Háskólann í Gautaborg. Hún tók viðtöl við mæður sem höfðu sætt ofbeldi af hendi eiginmanna sinna og fagaðila sem koma að skilnuðum og forræðisdeilum. Hún komst að þeirri niðurstöðu að í forræðisdeilum í Svíþjóð er ekki tekið tillit til þess hvort maðurinn hafi beitt maka sinn ofbeldi og því er talið að menn geta verið góðir feður þó þeir beiti konur ofbeldi. Ekki er tekið tillit til rannsókna sem sýna meðal annars tengsl á milli ofbeldis gegn konum og ofbeldis gegn börnum, þar með talið sifjaspell. Lesa meira

Á síðasta ársfundi Samtaka um kvennaathvarf flutti Brynhildur Flóvenz, lögfræðingur erindi um hvernig berjast megi gegn heimilisofbeldi innan lögfræðinnar og um beitingu nálgunarbanns. Hér er erindið birt í heild sinni. Lesa meira

Dagana 13. og 14. ágúst s.l. var haldin hátíðarráðstefna í Turku í Finnlandi í tilefni af því að 10 ár eru nú liðin frá því að Nordic Forum ráðstefnan var haldin þar. Á sínum tíma tóku 15.000 einstaklingar þátt í ráðstefnunni og þar á meðal var mikill fjöldi þátttakenda frá Íslandi. Þema ráðstefnunnar voru þrjú: ofbeldi gegn konum, samþætting vinnu og fjölskyldulífs og í þriðja lagi völd og ákvarðanataka. Reynt var að gera sér grein fyrir því hvað hefði áorkast í þessum málaflokkum á þeim tíma sem liðinn er frá ráðstefnunni 1994. Lesa meira

Já, hvað segirðu var hún svona rosalega illa farin? Og hvernig var hægt að hjálpa henni? Hvað gerið þið fyrir konur sem verða fyrir ofbeldi? Hvað eru þær margar og hvaða úrræði eru fyrir hendi? Allt eru þetta mjög skiljanlegar spurningar og tíðar í eyrum þeirra kvenna sem starfa við það að aðstoða konur sem verða fyrir ofbeldi. Við svörum þessu af bestu getu, tökum saman tölfræði yfir þær konur sem til Kvennaathvarfsins leita og túlkum upplýsingar. Oft er þó talað um kynbundið ofbeldi sem náttúruhamfarir ? eitthvað sem bara gerist og enginn fær neitt við því ráðið. Við tökum á afleiðingunum og reynum að aðstoða konur sem fyrir því verða af fremsta megni. Heimilisofbeldi eru þó engar náttúruhamfarir og ekki einu sinni náttúrulögmál. Á bak við ofbeldið er alltaf einhver ofbeldismaður, einhver sem ber ábyrgðina og hefur valdið og stjórnina. Lesa meira

Nú eru hin hörmulegu örlög Sri Rhamawati ljós en því miður er saga hennar ekkert einsdæmi. Allt of margar konur sem koma hingað til landsins í leit að betra lífi lenda í klóm ofbeldismanna. Þetta er mjög viðkvæmt mál og ber að forðast alhæfingar eins og mögulegt er, en hins vegar er nauðsynlegt að viðurkenna staðreyndir til að geta gert eitthvað í málunum. Auðvitað eru flest hjónabönd íslenskra manna og erlendra kvenna byggð á gagnkvæmri virðingu og laus við ofbeldi. Sá mikli fjöldi erlendra kvenna sem leitar í Kvennaathvarfið vegna ofbeldis íslenskra karlmanna er hins vegar stórt áhyggjuefni. Lesa meira

Á vefritinu Deiglunni birtist nýlega grein eftir Þorbjörgu Gunnlaugsdóttur, laganema við HÍ, þar sem hún veltir því fyrir sér muninum á heimilisofbeldi og öðru ofbeldi. Greinin er í framhaldi af þeirri miklu umræðu sem verið hefur undanfarið um heimilisofbeldi, eðli þess, afleiðingar og hvernig beri að taka á þessu samfélagsmeini. Þorbjörg veitti leyfi til birtingar á greininni hér. Lesa meira

Þann 24. júní síðastliðinn gaf dómsmálaráðuneyti Noregs út aðgerðaráætlun í málum er snerta heimilisofbeldi. Aðgerðaráætlunin er fyrir næstu þrjú ár og er unnin í samstarfi barna- og fjölskylduráðuneytisins, heilbrigðisráðuneytisins, dómsmálaráðuneytisins og félagsmálaráðuneytisins. Útgangspunktur áætlunarinnar er að leggja ábyrgð á heimilisofbeldi á herðar ofbeldismönnum auk ábyrgðar samfélagsins á að koma auga á ofbeldið, vinna að forvörnum og aðstoða þá sem fyrir ofbeldinu verða. Áætluninni er skipt upp í fjóra hluta og alls eru talin upp 30 verkefni sem þarf að vinna að. Hvert atriði er tímasett og á ábyrgð ákveðinna stofnana að fylgja eftir. Lesa meira

Þann 21. júní síðastliðinn kom út skýrsla á vegum sænska landlæknisembættisins um áhrif breyttra vændislaga í Svíþjóð. Þessarar skýrslu hefur verið beðið með mikilli eftirvæntingu bæði í Svíþjóð og í þeim löndum sem hyggjast fara sömu leið og Svíar, en umræðan hérlendis hefur verið mikil og mun að öllum líkindum halda áfram í haust. Lesa meira

Þessi grein birtist í tímaritinu Orðlaus - kvenkyns tímarit, í desember 2003 og fjallar um ofbeldi í samböndum ungs fólks, birtingamyndir þess og hvað er til ráða. Lesa meira

Þann 15. desember 2003 var haldinn fundur í Brussel á vegum samtakanna ENATW (European network against trafficing in women for sexual exploitation). Fundinn sótti Þórlaug Jónsdóttir fyrir Kvennaathvarfið og fylgir hér frásögn af fundinum og baráttumálum ENATW. 

Lesa meira

Þessi grein birtist á vefnum Hið gullna jafnvægi í desember 2003. Greinin fjallar um hvernig samstarfsfólk og atvinnurekendur geta brugðist við þegar starfsfólk er beitt heimilisofbeldi. Lesa meira

Þessi grein birtist í Læknablaðinu í nóvember 2003 og fjallar um hvernig læknar geta greint heimilisofbeldi og gripið til viðeigandi ráðstafana. Greinin er eftir Drífu Snædal fræðslu- og kynningarstýru Samtaka um kvennaathvarf. Lesa meira

Hér fylgir saga Guðmundar sem birtist í Daglegu lífi í Morgunblaðinu þann 9. ágúst 1996. Guðmundur er ofbeldismaður sem leitaði sér aðstoðar. Lesa meira

Þetta viðtal við Heidi Greenfield birtist í Nýju lífi árið 1995 og er skráð af Jónínu Leósdóttur. Lesa meira

Eva Lundgren er vel þekkt fyrir rannsóknir sínar á ofbeldi innan fjölskyldunnar. Hún er guðfræðingur að mennt og hefur fengist við kvennarannsóknir í heimalandi sínu, Noregi. Hún hefur skrifað nokkrar bækur um ofbeldismynstur í fjölskyldum en þekktastar þeirra eru eflaust bækurnar sem gætu heitið í íslenskri þýðingu ?Guð og allir hinir karlarnir?, ?Guð refsar þeim sem hann elskar? og ?Í Guðs nafni?.  Bækur hennar hafa vakið athygli langt út fyrir heimaland hennar og vegna skrifa sinna, sem sumum þóttu ögrandi, varð hún um tíma að vera undir lögregluvernd.  Þá var hún flæmd úr starfi sínu og fékk hvergi vinnu.  Um síðir var henni boðin prófessorstaða við háskólann í Uppsölum og þar er hún nú Lesa meira

Greinin birtist fyrst í 19. júní árið 2001 en hana ritaði Guðrún M. Guðmundsdóttir.

?Hvers vegna hlýtur karl sem gengur fólskulega í skrokk á konu sinni aðeins þriggja mánaða óskilorðsbundinn fangelsisdóm?
?Hvers vegna er heimilisofbeldi flokkað sem einkamál?
?Og hvers vegna eru konur í ofbeldisfullum samböndum?

Eftir að þessar spurningar leituðu ítrekað á greinarhöfund hóf hún leit að svörum.

Lesa meira

Rannsókn breskra fræðimanna á heimilisofbeldi vakti athygli þarlendra fjölmiðla þegar niðurstöður hennar birtust í apríl 2000. Rannsóknin snerist um að athuga hvað börn vita um heimilisofbeldi og hvernig börn með eigin reynslu af því vinna úr erfiðleikum sem af ofbeldinu leiðir. Hér er fjallað um rannsóknina í íslenskri þýðingu Guðrúnar Kristinsdóttur.

Lesa meira

Frá árinu 1994 hafa norrænar konur sem á einhvern hátt koma nálægt baráttunni gegn ofbeldi á konum og börnum, hist ár hvert til að bera saman bækur sínar og læra hver af annarri. Upphafskona ráðstefnunnar var Guðrún Jónsdóttir núverandi upplýsinga- og kynningafulltrúi Stígamóta.

Hugmyndin með ráðstefnunni er ekki að finna eina ,,rétta?? eða sameiginlega aðferð til að reka kvennaathvörf eða miðstöðvar fyrir konur og börn sem hafa verið beitt líkamlegu-, andlegu- eða kynferðislegu ofbeldi, heldur gefa hinum um margt ólíku löndum tækifæri til miðla hugmyndum og reynslu. Norrænu löndin skipta því með sér að halda ráðstefnuna og var ráðstefnan haldin á Íslandi árið 2001 undir yfirskriftinni ,,Hinir óbifanlegu ofbeldismenn??

Ráðstefnan að þessu sinni var samstarfsverkefni beggja kvennaathvarfasamtakanna í Svíþjóð, ROKS og SKR, og var þar á boðstólnum bæði fyrirlestrar og málstofur um ýmsa þætti er snerta kynbundið ofbeldi. 

Kvennaathvarfið sendi þrjá fulltrúa að þessu sinni, Kolbrúnu Ernu, Körlu Dögg og Elínu og hér fyrir neðan er rakin samantekt þeirra fyrirlestra og málstofa sem fulltrúarnir sátu.

Lesa meira

Hér er fjallað almennt um ofbeldi gegn konum, birtingamyndir þess, afleiðingar og úrræði. Greinin var rituð af Vilborgu G. Guðnadóttur, þáverandi framkvæmdastjóra Kvennaathvarfsins, árið 1997 og uppfærð af Jónu Sigurlín Harðardóttur. Lesa meira

Greini er skrifuð af Vilborgu G. Guðnadóttur fyrrverandi framkvæmdastjóra Kvennaathvarfsins árið 1997. Svipað efni má einnig nálgast í bæklingnum Börn sem búa við ofbeldi á heimilum. Lesa meira