Fréttir
Ársskýrsla Kvennaathvarfsins 2008
Ársskýrslu Kvennaathvarfsins fyrir árið 2008 er komin út. Mikil aðsókn einkenndi starfið á árinu, dvalarkonum fjölgaði úr 101 í 130 á milli ára, börnum í dvöl fjölgaði einnig svo og konum sem komu í viðtöl án þess að koma til dvalar. Meðaldvöl kvenna lengdist um einn dag á milli ára. Rúmlega helmingur kvennanna var að flýja eiginmann eða sambýlismann en tæplega þriðjungur ofbeldismannanna voru fyrrverandi eigin- eða sambýlismenn. Ofbeldismennirnir voru á aldrinum 19 til 80 ára, meðalaldur þeirra var 41 ár. Skýrsluna má skoða hér á síðunni undir liðnum Útgefið efni en einnig má panta hana í pappírsformi í netfanginu sigthrudur@kvennaathvarf.is
