Fréttir
Mannréttindafulltrúi Evrópuráðsins vill efla Neyðarmótttöku á Íslandi
Alvaro Gil-Robles heimsótti margar stofnanir og þar á meðal Neyðarmóttöku vegna nauðgunar, sem hann segir vera til fyrirmyndar. Í skýrslunni hvetur hann stjórnvöld til að útvíkka starfsemi móttökunnar til að hún geti sinnt öllum sem verða fyrir heimilisofbeldi.
Mannréttindafulltrúanum verður tíðrætt um konur af erlendum uppruna sem sæta ofbeldi af hendi maka og dregur fram bága stöðu þeirra hér á landi. Hann hvetur stjórnvöld til að breyta lögum þannig að konur sem verða fyrir ofbeldi séu ekki háðar maka með landvistarleyfi. Sömuleiðis er lagt til að sú félagslega aðstoð sem erlendar konur fá, sé ekki notuð gegn þeim þegar kemur að dvalarleyfi og ríkisborgararétti ef þær hafa orðið fyrir ofbeldi.
Alvaro Gil-Robles segir engan vafa leika á því að kynbundið ofbeldi sé vandamál hér á landi sem annars staðar. Hann tekur undir þær tillögur sem kvenna- og mannréttindahreyfingin hér á landi hefur verið óþreytandi að bera upp: Efling neyðarmóttökunnar og menntun fagstétta til að takast á við afleiðingar kynbundins ofbeldis og efla forvarnir.
