Fréttir
Andafjör - Blátt áfram
Hægt er að nálgast litlar plastendur til sölu í Body Shop búðunum í Smáralind, Kringlunni og á Akureyri. Pizza Hut veitingastöðunum, verslunum Olís á Reykjavíkursvæðinu og hjá Ungmennafélagi Íslands í Fellsmúla 26. Endurnar eru seldar á 1.000 krónur stykkið. Á degi andafjörsins, 3. september klukkan 12:30, mæta öll til leiks í Elliðadalnum með endurnar sínar og númeraða happdrættismiða sem fylgja þeim. Endurnar eru látnar synda niður Elliðaárnar og að markinu beint á móti Pizza Hut á Sprengisandi.
Fjöldi vinninga eru í boði fyrir sigursæla eigendur andanna. Meðal fyrirtækja sem veita vinninga eru: Hreyfing, Baðhúsið, Nýja skátabúðin, Fjölskyldu- og húsdýragarðurinn, Íshestar, Golfklúbbur Reykjavíkur, Íslenskir fjallaleiðsögumenn, Pfaff Borgarljós, Baby Sam, Óliver, Bláa lónið og Kaffitár.
Nánari upplýsingar má nálgast á www.blattafram.is og í síma 893 2929.
