Fréttir
Fæstum finnst nóg að gert
Á félagsfundi Samtaka um kvennaathvarf þann 29. nóvember voru kynntar helstu niðurstöður könnunarinnar og kom þar meðal annars fram að um 23% aðspurðra þekkja einhverja sem hefur leitað til Kvennaathvarfsins. Þegar spurt var hvort samfélagið gerði nóg til að berjast gegn ofbeldi gegn konum svöruðu 82% því neitandi en aðeins 3% játandi. Margir höfðu orðið varir við umfjöllun um athvarfið í fjölmiðlum undanfarið, eða tæp 40%. Það var sérstaklega ánægjulegt að 94% aðspurðra höfðu jákvætt viðhorf til starfseminnar, 5% hlutlaust, en aðeins 1% neikvætt. Ennfremur töldu langflestir aðspurðra, eða 92% að ofbeldismenn á Íslandi ættu að fá einhverja aðstoð/meðferð við sínum vanda.
Sjáflboðaliðarnir sem framkvæmdu könnunina, Arnrún Sveinsdóttir, Bryngerður Bryngeirsdóttir, Ingibjörg Þórðardóttir og Sólveig Sigurðardóttir eiga hrós skilið fyrir framtakið sem nýtist vel í kynningu á málefninu og starfi athvarfsins.
Könnunin verður birt í heild sinni hér á heimasíðunni eftir áramót.
