Samtök um kvennaathvarf

Beina leið á efnisyfirlit þessarar síðu

Þjónusta Kvennaathvarfsins

Athvarf, fyrir konur og börn þeirra þegar dvöl í heimahúsum er þeim óbærileg vegna andlegs eða líkamlegs ofbeldis eiginmanns, sambýlismanns eða annarra heimilismanna.
Athvarfið er einnig fyrir konur sem hafa orðið fyrir nauðgun.

Símaráðgjöf allan sólarhringinn í síma 561 1205. Konur geta hringt og rætt mál sín og fengið stuðning og upplýsingar.

Ókeypis viðtöl, þar sem konur geta komið og fengið stuðning og upplýsingar án þess að til dvalar komi.
Nauðsynlegt er að hringja áður í síma 561 1205 og panta tíma.

Sjálfshjálparhópar, þar sem nokkrar konur hittast reglulega undir handleiðslu starfskonu Kvennaathvarfsins. Nauðsynlegt er að koma í viðtal áður.

kvennaathvarf@kvennaathvarf.is

 

Fréttir

3.2.2010 : Öðlingurinn 2010

Öðlingurinn er átak gegn kynbundu ofbeldi og hófst það á bóndadaginn og stendur fram á konudag.  Valinn hópur karlmanna leggur átakinu lið með því að hveta til sölu bókarinnar Á mannamáli eftir Þórdísi Elvu Þorvaldsdóttur.  Markmiðið með átakinu er aukin fræðsla um kynbundið ofbeldi sem og að afla fjár fyrir  Neyðarmóttöku vegna nauðgana .  Við bendum á heimasíðu Öðlingsins www.odlingurinn.is fyrir þá sem vilja fræðast meira eða leggja málefninu lið.

 
 

18.12.2009 : Þingsályktunartillaga um stofnun starfshóps um ofbeldi maka gegn konum frá löndum utan Evrópska efnahagssvæðisins

Meirihluti þingmanna Alþingis stendur nú að þingsályktunartillögu um skipun starfshóps um ofbeldi maka gegn konum frá löndum utan Evrópska efnahagssvæðisins. Starfshópurinn skal skila fullmótuðum tillögum um úrbætur og hugsanlegar laga- og reglugerðarbreytingar. Markmiðið með úrbótunum er að bæta réttarstöðu þeirra kvenna sem koma frá löndum utan Evrópska efnahagssvæðisins og eru háðar ofbeldisfullum mökum um landvist hér á land.  Hópurinn skal skipaður einum fulltrúa dómsmála- og mannréttindaráðherra, einum fulltrúa félags- og tryggingamálaráðherra, einum fulltrúa tilnefndum af Samtökum um Kvennaathvarf og einum fulltrúa tilnefndum af Útlendingastofnun.  

 

18.12.2009 : I don´t know how I ended up here with this man

Nýlega kynnti Hildur Guðmundsdóttir starfskona Kvennaathvarfsins skýrslu um rannsókn sem hún vann á aðstæðum og upplifun kvenna af erlendum uppruna sem leita í Kvennaathvarfið. Á meðal þess sem rannsóknin leiddi í ljós var að íslensk lög verndar konur misvel fyrir ofbeldi eftir uppruna þeirra, staða kvenna sem koma frá löndum utan Evrópska efnahagssvæðisins og eru giftar ofbeldismönnum eru sérstaklega erfiðar þar sem þær eru gjarnan háðar ofbeldismanninum um dvalarleyfi.  Skýrla Hildar er aðgengileg hér á síðunni undir Útgefið efni / Skýrslur.
 

Eldri fréttir

 

kvennaathvarf.is

Leita á vefnum

 

Póstlisti

Skráning á póstlista.

Vinsamlegast athugaðu að netfangið sé rétt slegið inn.

Á döfinni

Enginn viðburður fannst skráður.

 

Samskipti

Samtök um kvennaathvarf | skrifstofa: 561-3720 neyðarnúmer 561 1205 | Kvennaathvarf@kvennaathvarf.is

þetta vefsvæði Byggir á Eplica
 

efnisyfirlit síðunnar
þetta vefsvæði byggir á eplica. eplica útlitshönnunútlitshönnun - nánari upplýsingar á heimasíðu eplica.